Summary of Chapter 59 of NOLI ME TANGERE of JOSE RIZAL (Tagalog)

Chapter 59- Summary of Chapter 59 of  NOLI ME TANGERE of JOSE RIZAL (Tagalog)

Buod ng Kabanata  59

Pag-ibig sa Bayan

Nalathala sa diyaryo ang naganap na kaguluhan sa San Diego. Ang balitang nalathala ay kakaiba naman sa kuwntong nanggaling sa kumbento.

Pati mga kuro-kuro ay naiiba depende sa isip, damdamin at paniniwala ng mga tao.

May mga sinugo sa kumbento para mag-imbestiga nang tunay na nangyari. May mga tao namang pumunta sa palasyo at naghandog ng tulong laban sa mga naghihimagsik.

Karamihan ay pinuri si Pari Salvi sa naganap sa kaniyang nasasakupan.

Ang mga nag-aaral sa Heswita ay may mga opinion na halos ay pilibustero na.

Si Kaptan Tinong ay galit na galit kay Ibarra dahil sa kagandahang loob na ipinakita nito. Ang asawa nito ay nagsabing binabalak niyang ihandog ang kaniyang paglilingkod laban sa mga manghihimagsik sakali man siya ay naging lalaki.

.Naiinis si Kapitan Tinong sa asawa. Dumating  si Don Primitivo na kanilang pinsan at mahilg mag Latin.

Hiningan siya ng payo ni Tinchang dahil inaakala nilang matalino ito. 

Payo ni Don Primitivo na iwasan si Ibarra dahil maraming napaparusahan dahil lamang sa kasalanan ng kasama.

Suhestiyon ni Don Primitivo na magregalo sina Kapitan Tinong ng alahas sa heneral  at sunugin ang anumang kasulatan na nauugnay kay Ibarra,

Sa pagtitipon sa Intramuros, napag-usapan na nagalit daw ang Kapitan Heneral kay Ibarra dahil sa maganda ang pinakita nito sa binata. Isang babae naman ang nagsabi na ang layunin ni Ibarra sa paaralan ay gamitin ito sa kaniyang paghihimagsik laban sa gobyerno.

Isa si Kapitan Tinong sa naimbita sa Fuerza de Santiago na matulog kasama ang ilang mayayaman at tanyag na tao.